كلام ف الممنوع

السلام عليكم ورحمة الله وبركاته

ازيكوا
اخباركوا ايه يارب تكونوا تمام وانا متقلش عليكوا وزى ما اتفقنا هنتكلم ف
معظم الحاجات اللى بنعيشها وجوانب الحياة بس غصب عنى ممكن اركز على الوحش
عشان ده اللى محتاجه مننا تفكير عشان نخليه كويس وزى ما اتفقنا هنتكلم
بموضوعيه وصراحة واحترام والاهم من ده كله اننا نحترم رأى بعض وانا هتختار
عضو او عضوه
يجاوب ع الاسئله دى

نبدأعلى بركه الله وربنا يسترها وطبعا ملوش لازمة خالص الاسم ف الحالات دى هههههههههه

اولا اهلا بيك عضونا الكريم ويارب تكون اسئلتى خفيفة مع انى اشك ف ده

بسم الله الرحمن الرحيم

1- بتحب مصر قد ايه وايه اقصى حاجة ممكن تقدماهالها لو احتاجتك؟

2- شايف مصر دلوقتى رايحة على فين ؟

3-تفتكر نقدر نفتخر دلوقتى بكلمه مصرى ف كل البلاد ولا لأ ؟

4-معظمنا
شايف دلوقتى ان كرامة المصرى مهدرة جوة وبره بلده بس ازاى نقدر نرجعها
تانى بره بلده ومتكونش مهدرة عشان الناس وخاصة الشباب اللى بتتغرب عشان
الشغل وخلافه ايه الحل من وجهه نظرك ؟

5-
تلجأ الحكومة فى بعض الاحيان لاستعمال الارهاب مع الناس باختصار قانون
الطوارئ عشان يسكتوا ومحدش يتكلم من وجه نظرك هل الحكومة نجحت ؟ولو نجحت
بنسبة كام قدرت تسكت الناس ؟

6- هل حلم التغيير ممكن يتحقق ومش قصدى تغيير الرئيس اللى انا اقصده تغيير اوضاع البلد للاحسن ممكن يحصل امتى ؟

7-لو
جالك فرصة عمل بالخارج سواء بدولة عربية او اجنبية هتوافق ولا لا وهل ده
يندرج تحت اسم الهجرة ولا لأ تقول مش هطلع بره بلدى مهما عملت فيا ؟

8-سياسة التعذيب بعض الناس بتمارسها هل كل الحالات الموجوده على الساحة دى صح ولا الناس بتفترى وما بتصدق تمسك ف حاجة ؟

9- امان الناس للشرطة بيزيد ولا بيقل وبنسبة كام ؟

10-الاحزاب السياسية كتير جدا هل هيا مفيده بكترها ولا ضررها اكبر من فايدتها ؟

11- الحزب الوطنى والاخوان المسلمين شايفهم ازاى ؟كل واحد على حده

12-امتى الشباب المصرى ممكن ينزل للانتخابات ؟

13-لما يكون عندنا مشكله داخلية وطرف من الاطراف مش عارف ياخد حقه

هل تؤيد انه يصعد الامر للمنظمات العالمية ولا لأعشان صورة مصر بالخارج ؟

14-فى بطالة فعلا ولا ده كسل من الشباب ومحدش عايز يتعب ويدور؟

15-مصر عندها ديون كتير جدا هل فى حل اننا نحاول نقللها ؟

16-امتى
الشباب ده يفوق ويدرك ان فى مخطط انه يكون ملهى ف الاغانى والكورة
والافلام اللى بقت اباحية بالدرجة الاولى المخطط ده من الغرب اولا ؟

17-كتير من الدول العربية بيشوفونا اننا عملاء لاسرائيل عشان تصدير الغاز والجدار والمشاكل الكتير تفسر ده بايه ؟

18-هل فى يوم ممكن كعرب نبقى ايد واحده ضد الظلم والاستعمار ؟

19- كلمة اخيرة تحب حضرتك تقولها ؟

فى انتظار رايى مراقب القسم
ونبدأ باختيار الاعضاء